Garaikur, domina eta omen ugari izan dira gaurkoan. Ohi bezala, txapelketan parte hartu edota garaipena erdietsi duten taldeak zein jokalariak saritu dituzte; baina horretaz gain, keinu berezia egin diete gaurko jardunaldian duela 25 urteko finalak errepikatu dituztenei.
Bestalde, Hondartza Futbol Txapelketako zenbait jokalari eta jokalari ohi omendu dituzte, punta-puntakoak, futbolean egin duten ibilbidearen aitortza modura. Hain zuzen, ondorengoak izan dira omenduak: Maria Jauregi, Andere Alkorta, Nerea Alberdi, Laura Gomez, Maite Lizaso, Leire Paredes, Ohiana Galdona, Ane Orbegozo, Marina Agoues, Ainara Manterola, Benito Beitia, Jorge Izeta, Ignacio Beitia, Salbador Etxabe, Jose Angel Iribar, Estanis Argote, Txema Rauleaga, Manu Urbieta, Aitor Etxegoena, Aitor Arregi eta Estefano Izagirre.