Botoa EAJri eman dioten herritarrei zuzenduta, honako oharra plazaratu du Zarauzko Uri Buru Batzarrak:
"Zarauzko EAJ-PNVren Uri Buru Batzarrak eskerrak eman nahi dizkie joan den igandean, maiatzak 26, alderdiari Zarautzen alde lanean jarraitzeko euren konfiantza eman zioten zarauztar guztiei. Bereziki, Zarauzko gazteei eta, gaixo eta etxetik irteteko aukerarik ez zuten pertsonei, euren botoa eta babesa emateagatik.
Zuei guztioi esker, EAJ-PNV izan da hautagaitza bozkatuena Zarautzen. 5.757 pertsonek eman digute euren babes eta konfiantza aurrera jarraitzeko, eta horrek ilusio are eta handiagoa eman digu zarauztar guztion artean etorkizuneko Zarautz eraikitzen jarraitzeko".