Atzo, igandea, Pagoeta Eguna izan zen, 60. aldiz. Pagoeta Mendizale Elkartearen eskutik, egun osoko egitaraua izan zen; goizean goiz txistulariek girotu zituzten Zarauzko kaleak, eta jarraian, Guria tabernatik hasita, herritarrek taldean igo zuten mendia. Salbatore Mitxelenakoek ere bat egin zuten hitzordua, eta Sarobe-Berrin elkartu ondoren, elkarrekin egin zuten Pagoetarako ibilbidea.
Pagoetan meza eta erromeria izan ziren, eta urtero bezala, jatekoa eta edatekoa ere eskaini zuten.
Irudiak: Salbatore Mitxelena Ikastola eta Lorentxo Portularrume