Uztailaren 1etik 30era bitartean, bost eta hamaika urte bitarteko haurrei aisialdi zerbitzua eskainiko zaie dohainik, Salbiden. Arratsaldez izango da, 15:00etatik 18:00etara.
Iaz bezala, begirale-talde batek gidatuta, haurrek hainbat jarduera ezberdin egiteko aukera izango dute Salbideko Ludotxo Ludotekan. Parte hartzeko bertaratu besterik ez da egin behar, eta ez da zertan ordutegi osoa bete: begiraleekin adostu daiteke noiztik noiz arte aritu.