Atzo, igandea, Azpeitiko Esklabak eraikinean izan ziren Danda Gazte Asanbladako eta Gerizako hainbat kide. Hala, Krisiaren Seme-Alabak taldeko kideak eraikinaren ezker hegalean garatzen ari diren proiektua hurbiletik ezagutu eta harremanak eraiki zein estutu asmoz, egun osoko egonaldia egin zuten Azpeitiko gazteekin.
Krisiaren Seme-Alabek espazioan egin dituzten eta egingo dituzten lanen berri izan zuten zarauztarrek, eta beren alea ere jarri nahi izan zuten guztien artean; eraikinean zein inguruetan hainbat lan egin zituzten goiz osoan zehar. Gero, elkarrekin bazkaldu zuten, eta "elkarren berri sakonago" izan zuten gazteek.
Hona hemen Krisiaren Seme-Alabek Uztarria-n argitaratu duten kronika