Denboraldi bikaina egiten dabil ZAEren lehen taldea. KAE 1 liga irabaztea lortuko ote du, baina? HITZAren porran ligako lehen lau sailkatuak zein talde izango diren asmatzera animatzen zaitugu. Aste batzuk daramatza zabalik porrak, eta gaur bertan itxiko da, beraz, gaur izango da azken aukera porran parte hartzeko.
Doakoa da porra egitea, eta asmatzaileen artean Kirkilla jatetxean bi lagunentzako dastatze menua zozkatuko dugu. Beste guztien artean, berriz, Zarauzko arraunlariek sinatutako ZAEren kamiseta eta Urola Kostako HITZAko harpidetza bat. Lotura honetan klik eginda hartu daiteke parte porran.
Kontxari buruzko bi porra
Bigarren eta hirugarren porrak Kontxari begira antolatuko dira. Abuztuaren 19tik 31ra Kontxako sailkapenaz galdetuko da, eta irabazleen artean zozkatuko dira Izeta sagardotegian bi lagunentzako menua + Spa Gym Malecon talasoan bi lagunentzako sarrera. Gainera, parte hartzaileen artean Gipuzkoako hainbat arraun talderen sinatutako elastikoak eta beste hainbat sari zozkatuko dira.