Albaolak eraikitzen ari den patatxea aurkeztuko du ostiral eguerdi honetan, faktorian bertan. 15 metro luze eta 20 arraunlari eramateko diseinatutako XVIII. mendeko ontzia da, eta Orioko Mutiozabal ontziolak aurkitutako planoetatik ari dira sortzen.
Patatxeak oso azkarrak ziren, eta batez ere berriak emateko erabiltzen ziren. Kortsarioek gustuko ontzi mota zirenez, Donibane Lohitzuneko eta Ziburuko L´Ordre des Corsaires Basques gonbidatu dituzte ekitaldira, eta hauek ohorezko kortsario izendatuko dute Xabier Alderdi Albaolako ikerketa departamenduko zuzendari eta historialari zarauztarra.