Ondoko mezua zabaldu du sare sozialen bidez Danda Gazte Asanbladak, herritarrei beren podcastean parte hartzeko gonbidapena luzatzen:
"Lanpostuan bidegabekeriaren bat jasan duzu? Alokairua ordaintzeko arazoak dauzkazu? Poliziaren errepresioa jasan duzu? Egoera orokorra okertu zaizu?"
Halako egoeretan daudenen ahotsa uhinen bidez zabaltzea da Leihotik At! Podcasten helburuetako bat eta, horretarako, testigantzak emateko prest daudenak 688 81 77 86 telefono zenbakira edo danda.gazte@gmail.com helbide elektronikora idaztera gonbidatu dituzte.
Hain zuzen, larunbatean argitaratu zuten Leihotik At! Podcastaren bosgarren saioa: 'Lau hormaren artean'. Hemen klikatuta entzun daiteke. Aurrerantzean ere, asteazkenetan eta larunbatetan izango dira entzungai podcastak, sareko plataformetan zein Arraio Irratian, FM-ko 99.3an, 21:00etan.