Osasun Sailak eman dituen azken datuen arabera, Zarautzen lau koronabirus kasu berri daude, eta kasu berri bana daude Aian eta Orion. Urola Kostan, beraz, sei kasu berri atzeman dituzte PCR probetan azken orduetan. Aurreko egunean zazpi izan ziren, orduan ere lau Zarautzen, eta bi Orion eta bat Zumaian. Aste osoko datuak begiratuta, berriz, eskualdean 92 kasu zenbatu dituzte (joan den asteazkenetik atzo arte). Herriz herri begiratuta, kostan egon dira positibo ia guztiak, gehien-gehienak Zarautzen: Aian hiru positibo egon dira; Azpeitian bat; Getarian lau; Orion hamabi; Zarautzen 70; eta Zumaian bi.
Araban, Bizkaian eta Gipuzkoan, berriz, 134 positibo berri egon dira azken orduetan, gehienak Bizkaian, han 86 kasu atzeman baitituzte. Araban hamahiru dira kasu berriak, eta Gipuzkoan, berriz, 35. Guztira 4.424 PCR proba egin ziren atzo.