Ostiral honetan ere Gela saioa egingo dute Zarauzko Photomuseumen. Oraingoan, Jon Alpert kazetari eta zinemagile estatubatuarrari eskainiko diote saioa. Antolatzaileen esanetan, Alpert "oso ezaguna da errealitateko zinema-teknika erabiliz dokumentalak egiteagatik".
Ikerketa-kazetari eta berriemaile lanetan jardun du hamaika herrialdetan; hala nola, Vietnamen, Kanputxean, Nikaraguan, Iranen, Filipinetan, Kuban, Txinan zein Afganistanen. Bestalde, sona handia izan du Fidel Castrori edota Saddam Husseini egindako elkarrizketengatik.
Hainbatetan saritu dute Alpert bere lanengatik. Dupont-Kolonbia saria jaso du hirutan eta hamabost Emmy sari eman dizkiote, esaterako. Horretaz gain, bi aldiz izendatu zuten Oscar sarietarako: Txinako desastre antinaturala: Sitxuan probintziako malkoak lanagatik 2010ean, eta Redention filmagatik 2012an.