Arkamurka taldeak dena prest du, gaur merkatu plazan 41. perretxiko erakusketari hasiera emateko: 11:00etatik 14:00etara eta 17:00etatik 19:30era izango da zabalik, eta herritarrak onddoen erreinuan murgiltzera animatu dituzte antolatzaileek.
Bestalde, gogoratu dute COVID-19a dela eta, babes neurriak zorroztu behar izan dituztela. Horregatik, aurten erakusketaren sarrera-irteerak udaletxe alboko ateetatik bakarrik izango dira, eta kale nagusiko sarrera nagusia itxita izango da.