-1-
Ilargiaren ezaugarriak
sarritan dira aztertu
Distantzian urrun daude baina
sentitzen ditugu gertu
-2-
Denbora luzez ezkutatzea
batzutan da zailegia
Adibidez eguzki,ilargi
ta bereziki egia
-3-
Ilargiak bezala guk ere
gurekin daramaguna
Egoera bakoitzan neurrira
gure alderdi iluna
-4-
Ilargia zurbil azaltzean
arrazoia hau omen da
Ezinbestekoa nola ez ba
beti gauean irtenda
-5-
Ilargi ta eguzki artean
hutsala da harremana
Bat irteten den garaierako
bestea ja dago joana
-6-
Nire maitea urruti dago
ta ni jeloskor aldiro
Aspaldian nik ez dut ikusten
ta ilargiak sarriro
-7-
Ilargipean zuk agindua
izan ezik hitz hutsala
eguzkia irteten denean
bete zaizu berehala
-8-
Itsasoak gora eta behera
dabilela da nabari
Agindutakoa men eginez
zintzoki ilargiari
-9-
Nekazarientzat lagungarri
izaten dela pentsatu
Ilargiak agintzen bai die
barazkiak noiz landatu