Aste honetako Gela programaren saioan, Photomuseumen, Argazkigintzaren maisuak dokumentalaren hirugarren atala emango dute. Argazkigintzaren hastapenetatik azken aurrerapen teknologikoetara arteko ibilbidea jorratzen du dokumental sortak. Hirugarren atalaren izenburua Leku egokian, ordu egokian? da, eta une erabakigarriei eta gerrako argazkigintzari buruzkoa da. Beraz, argazki kazetaritzaz gehiago jakiteko aukera izango da ostiralean argazki eta zinema museoan.
Ohi bezala, 18:00etan hasiko da saioa eta doakoa izango da. Bestalde, Photomuseumek gogorarazi du museoa ikusteko bisitak ere doakoak direla itxiera perimetrala dela eta.