-1-
Jasotzen duzuna ez baduzu
zure gustuko inolaz
Ematen duzuna berrikusi
eta aztertu axolaz
-2-
Ez zaitez kexatu etengabe
zahartzen ari zarelako
Hori jende ugarik ez duen
pribilegioa delako
-3-
Atzoko atsekabe ta penak
eta biharko beldurrak
Horiek dira zehazki gaurkoa
kentzen diguten lapurrak
-4-
Iraganaz ikasi behar da
Gogotsu oraina bizi
Gero etorkizuna landuaz
lorpenetara iritsi
-5-
Aberastasuna ez neurtu
duzun diruagatikan
Baizik diruz inoiz aldatuko
ez zenukenagatikan
-6-
Jakintsu batek ilargiari
behatzez dio apunta
Ezjakinak hori behatuaz
ikusten du behatz punta
-7-
Inoiz eduki ez duzun zerbait
eskuratu nahi baduzu
Sekula egin ez duzun zerbait
osatzen saia burutsu
-8-
Irabazleak lagun ugari
izan ohi ditu,baina
galtzaileak bere inguruan
lagun onak. Alajaina!!!
-9-
Egun on batek ematen dizu
une batez zoriona
Egun txar batek esperientzia
Ondoren beti da ona
-10-
Tigrea eta lehoia dira
argiro indartsuenak
Baina otsoak zirkuentzako
lan egiten ez dutenak
-11-
Urguilua arriskutsua da
Kaltegarri ezinbeste
Pozoi horretaz irentsi gabe
intoxikatu zaitezke
-12-
Bizi izan duzunaren maisu
Gaurko bizitzan artisau
Eta bizitzeko duzunaren
ikasle egun eta gau
-13-
Ausardi ezak oztopaturik
eman gabeko urratsak
uzten ditu bere ondorioz
nabarmen aztarna latzak
-14-
Ordura garaiz heltzea soilik
ez da puntualitatea
Ezaugarri tankeratsukoa
da garaiz aldegitea