Urtarrilaren erdialdean izan ohi dira Urtetako San Sebastian jaiak, baina Neska-Mutil Ardoak azaldu du, COVID-19a dela-eta, oraingoan ez duela festetako ospakizunik prestatu. Hortaz, Urtetan ez da jairik izango aurten.
Neska-Mutil Ardoko kideek eskerrak eman dizkiete, "urtero hutsik egin gabe", sansebastianetara bertaratu diren guztiei, "baita trikitilari, bertsolari, harri-jasotzaile eta musika taldeei" ere. "Aurten elkar ikusiko ez dugun arren, konfiantza osoa dugu datorren urtean gogo gehiagorekin ospatuko ditugula Sebastian Deunaren jaiak", gaineratu dute.