Bihar, igandea, Gipuzkoako Batel Ligako jardunaldia jokatuko da Legutioko urtegian. Hasiera batean, Getarian jokatzekoa zen kirol hitzordua, baina itsaso zakarra iragarri dute biharko, eta estropadak Arabako urtegian jokatzea erabaki du Gipuzkoako Arraun Federazioak. Zarautz Arraun Elkarteko bost ontzik parte hartuko dute lehian. Hainbat arraunlari gazte zarauztar ureratuko dira bihar, beraz. Zehazki, bi ontzi ureratuko dira haurren mailan, bat gizonezko kadeteenean, beste bat emakumezko jubenilenean eta beste bat gizonezko absolutu jubenilenean.