Bihar jarriko dituzte salgai ekainera bitarteko kultur emanaldietako sarrerak

Thierry Biscary Loraldian.

Zarauzko kultur programazioaren barruan, ekaina bitartean Modelo aretoan eskainiko diren lau ikuskizunetako sarrerak jarriko ditu salgai bihar arratsaldean udalak. Modelo aretoko txarteldegian eskuratu ahal izango dira, 18:00etatik aurrera, edota Kutxasarrera plataforman.

EGITARAUA

Apirilak 29, osteguna
Dantzaren Nazioarteko Eguna
19:00. Ertza Dantza konpainia.
Sarrera: 8 euro.

Apirilak 30, ostirala
19:00. Conservando memoria antzerkia, El Patio Teatro taldearen eskutik.
Sarrera: 6 euro.

Maiatzak 14, ostirala
19:00. Thierry Biscary musikariak Muda lana aurkeztuko du zuzenean. Emanaldia EITBk grabatuko du; musikariak grabatzeaz gain, publikoko irudiak ere hartuko dituzte.
Sarrera: 8 euro.

Maiatzak 30, igandea
16:45. Botadun katua antzerkia familian, Glu-Glu Produkzioak taldearekin.
Sarrera: 4 euro.