Zarautz Herri Zaintzailea plataformako kideek, heriotzaz hitz egiteko beste gune bat sortu nahian, Irratian ere hitz egin dezagun heriotzaz hitzaldia antolatu dute. Hil Argi elkarteko Nerea Erkiagak eta Euskadi Irratiko esatari Manu Etxezortuk heriotzari buruzko irrati atal bat gidatzen dute Faktoria saioan, eta Modelo aretoko oholtzara igoko dira datorren asteartean, hilaren 13an, gaia jendaurrean lantzeko.
18:00etan hasiko da hitzaldia eta ordubete inguru iraungo du. Jakinarazi dutenez, sarrera doakoa izango da, eta ez da aurrez gonbidapenik hartu beharko bertaratzeko.