-1-
Legeen esklabotzan gaudela
hori nahiko argi dago
Ulergaitza da bide horretan
izatea askeago
-2-
Estropezu baten ondorioz
noizbait erortzen bazara
horrek ez du esan nahi bidea
okerra denikan, hara!!
-3-
Helduak legez pentsa ezazu
ta gazte bezala bizi
Agure antzera aholkatu
Haur ametsetan ez etsi
-4-
Jakintsu batek ez du esaten
pentsatzen duen guzia
Baina ondo pentsatu izan du
esan aurrez iritzia
-5-
Errespetoa eta dirua
parekagarriak dira
Eska ditzazkezu, baina hobe
da irabaztea, tira!!
-6-
Bertan egon eta ondorioz
adierazpena hutsala
Hobe aldegin ta zure faltak
arrastoa utz dezala
-7-
Atzera ez behatu haserre
ez ta beldurrez aurrera
Zure inguruetan arreta
jarri.Hori da aukera!!
-8-
Jende artean gustu kontuak
sortu izan du ezbaia
Mundu guztiarentzat gogoko
izaten ez bada saia
-9-
Bizitzan zehar une txar batek
eten ezkero bidea
zuk jarrai aurrera beti legez
zeren txarra da unea
-10-
Eriotzari beldurra ahaztu
Pentsatu era onean
Zu zaudenean bera ez dago
Zu ez,bera dagonean
-11-
Zahartzaroak duen eragina
nabaria da epeka
Bidelagun bezala onartu
Hori saihesten ez neka
-12
Borondaterik onenarekin
hanka sartzeak barkatu
Denon dirua bereganatuz
esku sartzea salatu
Doinua: Kopla handia