Zure etxebizitzarako eraginkortasun handiko birgaikuntza: aurreztu dirua eta osasuna tailerra antolatu du Gipuzkoako Foru Aldundiko Ingurumeneko eta Obra Hidraulikoetako Departamentuak, Energia Argitu programaren barruan, Zarauzko Udalarekin lankidetzan. Saioaren helburua da herritarrei energia-eraginkortasunari buruzko ezagutza eta irizpideak ematea, etxebizitza-eraikinak eraberritzera bideratuta, modu erraz eta ulergarrian. Tailerra bihar eskainiko dute online, 18:00etatik aurrera.
Bertan parte hartu ahal izateko aurrez eman behar da izena, eta, horretarako, honako bitarteko hauek erabil daitezke: argi@gipuzkoa.eus posta elektronikoa; 943-11 29 48 edo 605 75 76 87 telefono zenbakiak; eta www.argitu.eus webgunean. Saioa euskaraz edo gaztelaniaz jarraitu ahal izango da, itzulpen zerbitzua egongo baita; beraz, parte-hartzaile bakoitzak nahi duen hizkuntza aukeratu ahal izango du.
Honekin batera, beste bi online tailer ere antolatu dituzte udaberrirako: bata, maiatzaren 27an izango da eta Energia berriztagarriak zure etxebizitzan, posible da! izena du, eta bestea, Ibilgailu elektrikoak eta mugikortasun jasangarriko alternatibak izango da, ekainaren 9an.