Gomazko paleta kategorian lehiatzen dihardu Zarautzek Herriarteko Pilota Txapelketan. Aurreko astean hasi zuen lehia Orioren aurkako joaneko hiru partidarekin, eta nagusi izan zen jardunaldi hartan Zarautz. Itzulerako partidak ostegunean jokatzekoak ziren Orion, baina, tamalez, jokatu gabe egin du aurrera Zarautzek. Pilota Sailak azaldu duenez, Orio ez da iritsi azken jardunaldian gutxieneko fitxa kopurura, beraz, ezin izan du txapelketan jarraitu.
Hala, final laurdenetarako sailkatu da Zarautz, eta hurrengo jardunaldian Amasa-Villabonaren aurka edota Anoetaren aurka neurtu beharko ditu indarrak.