Zarautz Trik kultur elkarteko ikasleek lehen kontzertua eskainiko dute datorren ostiralean, maiatzaren 28an, Modelo aretoan. Beste hainbat eragile nahiz gonbidatu berezik ere parte hartuko dute emanaldian; hala nola Etxebeltz bertso-eskolak, Neomak taldeak, Jalgi dantza taldeak eta Karmelo Mendizabalek. Aurkezle lanetan, berriz, Maurixi eta Primi klownak eta Lurdes Urbina ariko dira.
Emanaldia 18:00etan hasiko da, eta 17:00etan zabalduko dute sarrerak erosteko leihatila; bakoitzak 10 euro balioko du. Edukiera mugatua izango denez, aurrez egin beharko da erreserba zarautz.trik@gmail.com helbidera idatzita.