Sasoiko azken neurketa jokatu zuen Amenabar Zarautz eskubaloi taldeak larunbatean, Bordilsen aurka. 22-30 galdu zuten etxekoek; dena den, ez zegoen ezer jokoan herenegungo partidan, zarauztarrek ziurtatuta baitzeukaten postua zilarrezko mailan datorren denboraldirako, eta Bordilsek irabazita ere ezingo baitzuen jaitsiera saihestu.
Denboraldiko azken partidak bereziak izan ohi dira, eta atzokoa hala izan zen Julen De Carlos atezainarentzat, iragarri baitzuen ez duela taldean jarraituko datorren denboraldian. Anaitasuna taldeak utzita etorri zenetik, nafarrak zazpi denboraldi egin ditu Amenabarren.