Manuel Shelman txiletarrak (12.60) eta Vasco Ribeiro (11.84) portugaldarrak egin dute aurrera; zer diren gauzak, Aranburuk laugarrengo txandan kalera bidali zuen Ribeiro, eta orain alderantzizkoa gertatu da bigarren aukerako lehian. Zarauztarra bigarren postutik gertu ibili da, baina ezin izan du jardunaldia erabat biribildu, 10.60ko puntuazioarekin bukatu baitu. Ondorioz, txapelketa hementxe bukatu zaio, eta baita Tokioko Olinpiar Jokoetara sailkatzeko itxaropen guztiak ere.