Lekeitioko gizonezkoen 42. eta emakumezkoen 10. banderen estropadak jokatu dituzte gaur goiz-eguerdi partean hainbat euskal traineruk, asko eta asko goiko mailetan lehiatzen direnak, denboraldi berrirako test moduan baliatuta. Urola Kostatik bost ontzi aurkeztu dira hitzordura, eta denetariko emaitzak izan dira batzuentzat zein besteentzat.
Gizonezkoei dagokienez, Hondarribiak irabazi du, eta Orio izan da eskualdeko ontzirik azkarrena, bosgarren postuan sailkatuz. Bigarren txandan nagusitasunez aritu den Getariak eskuratu du seigarren postua, eta Zarautz Gesalaga Okelanek, berriz, hamaikagarren amaitu du. Zarauztarrak hirugarren txandan lehiatu dira, Donostiarra, Ondarroa eta Lekittarrarekin, eta azkenak iritsi dira helmugara.
Edonola ere, test estropata izan da gaurkoa, eta liga hasteko hilabete falta da oraindik. Beraz, eskifaia puntuan jartzeko nahikoa denbora dute zarauztarrek.
Gizonezkoen sailkapena
1. Hondarribia 21:25.08
2. Zierbena 21:31,03
3. Urdaibai 21:38,84
4. Donostiarra 21:49,11
5. Orio AE 21:59,19
6. Getaria 22:06,36
7. Ondarroa 22:13,78
8. San Pedro 22:18,33
9. Kaiku 22:29,96
10. Lekittarra 22:34,84
11. Zarautz Gesalaga Okelan 22:43,85
12. Portugalete 22:46,65
13. Deusto 22:55,95
14. Busturialdea 23:12,68