ZAEko arraunlariek bukatu dituzte asteburu honetako lanak. Sestaon lehiatu dira emakumezkoak goizean ETE ligan, eta eguerdian Coruñan gizonezkoak, Eusko Label ligan. Bosgarren jardunaldia zuten emakumeek, bigarrena, berriz, gizonek. Eta atzo baino emaitza hobeak lortu dituzte biek ala biek.
Gaurko sailkapenean, behintzat, gorago gelditu dira; zortzigarren gizonezkoak eta bederatzigarren emakumezkoak. Atzo hamargarren egin zuten biek.
Eusko Label ligako taldeari dagokionez, aurreneko txandan jokatu dute zarauztarrek, bigarren kaletik irtenda, Urdaibai, Lekittarra eta Tiranekin batera. Lan ona egin duten arren, hirugarren helmugaratu dira txanda horretan. Urdaibaik irabazi du estropada, gainera, sekulako estropada eta denbora eginda (20:39,18). 23 segundora helmugaratu da Zarautz-Gesalaga-Okelan, 21:02,40 denbora eginda.
SAILKAPEN OROKORRA
| 1. | SANTURTZI TRANSPORTES Y GRUAS AGUADO | 22 |
|---|---|---|
| 2. | ZIERBENA BAHIAS DE BIZKAIA | 19 |
| 3. | DONOSTIARRA AMENABAR | 17 |
| 4. | BERMEO URDAIBAI AVIA | 16 |
| 5. | ORIO ORIALKI | 16 |
| 6. | GO FIT HONDARRIBIA | 15 |
| 7. | CLUB DE REMO DE ARES | 12 |
| 8. | ONDARROA CIKAUTXO | 9 |
| 9. | CR CABO DA CRUZ | 9 |
| 10. | ZARAUTZ GESALAGA-OKELAN | 8 |
| 11. | LEKITTARRA ELECNOR | 7 |
| 12. | SD TIRÁN PEREIRA | 6 |
Postu bat gorago emakumezkoak gaur Sestaon
Esan bezala, ETE ligako taldea ere atzo baino finago ibili da, eta bederatzigarren egin du Bizkaian jokatu duten estropadan. Aurreneko txandan lehiatu da, Lapurdirekin eta Castrorekin, eta erraz nagusitu dira Zarautz-Gesalaga-Okelanekoak 11:22,52 denbora eginda (Castrok 11:34,78 egin du, eta Lapurdik 11:42,95).
Beste txandetan bizkorragoak izan dira, eta estropada Tolosaldeak irabazi du gaur ere, 10:40,73 denbora eginda. Deusto izan da bigarrena, Hibaika hirugarrena, eta Zumaia laugarren.
Hurrengo astean Donostian eta Lekeition jokatuko dituzte estropadak.
SAILKAPEN OROKORRA
| 1. | TOLOSALDEA A.K. | 54 |
|---|---|---|
| 2. | DEUSTO-TECUNI-BILBAO | 49 |
| 3. | HIBAIKA JAMONES ANCIN | 45 |
| 4. | DELTECO ZUMAIA | 38 |
| 5. | SAN JUAN-IGARTZA | 37 |
| 6. | ONDARROA-CIKAUTXO | 31 |
| 7. | ISUNTZA-ELECNOR | 26 |
| 8. | LUTXANA A.E. | 19 |
| 9. | ZARAUTZ-GESALAGA-OKELAN | 15 |
| 10. | LAPURDI | 10 |
| 11. | CASTRO CANTERAS DE SANTULLAN | 6 |
