Gaurkoan Donostian jokatu dute ETE ligako estropada, 10:45ean hasita. Aurreneko txandan aritu dira Zarautz Arraun Elkarteko neskak, Lapurdi eta Castro Canteras de Santullan taldeekin batera. Zarauztarrak izan dira azkarrenak txanda horretan, 11:42,94 denborarekin. 12:07,79 denbora egin du Lapurdik eta 12:20,60 Castrok.
Gaurko estropadan, hala, zortzigarren postuan sailkatu da ZAE. Aurreko asteburuan baino emaitza hobeak lortu ditu beraz, bederatzigarren egin baitzuen aurreko igandeko jardunaldian eta hamargarren larunbatekoan. Deusto-Tecuni-Bilbao taldeko neskak nagusitu dira gaur; bigarren sailkatu da Tolosaldea eta hirugarren Hibaika Jamones Ancin.
ETE ligako sailkapen orokorrari dagokionez, oraingoz, bederatzigarren postuan dago Zarautz, aurreko asteburuan bezalaxe. 19 puntu eskuratu ditu guztira, haren aurretik dagoen Lutxanak baino 3 puntu gutxiago.
Bihar, uztailaren 11n, Lekeition izango dira ETE ligako estropadak. 12:00etan ekingo diote lehiari.
ESTROPADAKO SAILKAPENA
| Elkartea | Denbora | Puntuak | |
|---|---|---|---|
| 1º | DEUSTO-TECUNI-BILBAO | 10:57,80 | 11 |
| 2º | TOLOSALDEA A.K. | 11:01,05 | 10 |
| 3º | HIBAIKA JAMONES ANCIN | 11:10,50 | 9 |
| 4º | ONDARROA-CIKAUTXO | 11:16,31 | 8 |
| 5º | SAN JUAN-IGARTZA | 11:20,79 | 7 |
| 6º | DELTECO ZUMAIA | 11:23,00 | 6 |
| 7º | ISUNTZA-ELECNOR | 11:34,73 | 5 |
| 8º | ZARAUTZ-GESALAGA-OKELAN | 11:42,04 | 4 |
| 9º | LUTXANA A.E. | 11:43,04 | 3 |
| 10º | LAPURDI | 12:07,79 | 2 |
| 11º | CASTRO CANTERAS DE SANTULLAN | 12:20,60 | 1 |
SAILKAPEN OROKORRA
| Elkartea | Puntuak | |
|---|---|---|
| 1º | TOLOSALDEA A.K. | 64 |
| 2º | DEUSTO-TECUNI-BILBAO | 60 |
| 3º | HIBAIKA JAMONES ANCIN | 54 |
| 4º | SAN JUAN-IGARTZA | 44 |
| 5º | DELTECO ZUMAIA | 44 |
| 6º | ONDARROA-CIKAUTXO | 39 |
| 7º | ISUNTZA-ELECNOR | 31 |
| 8º | LUTXANA A.E. | 22 |
| 9º | ZARAUTZ-GESALAGA-OKELAN | 19 |
| 10º | LAPURDI | 12 |
| 11º | CASTRO CANTERAS DE SANTULLAN | 7 |
