Udako Kontzertua eskainiko du Zarautz Abesbatzak larunbatean, Frantziskotarren elizan. 21:30ean hasiko da emanaldia, eta jakitera eman dutenez, bi zatitan banatuko dute egitaraua. Lehen zatian, elizako sei abesti eskainiko dituzte Joxe Iturria organo-jotzailearen laguntzaz. Bigarren zatian, berriz, bestelako zazpi abesti kantatuko dituzte, eta Antxon Sarasua piano-jotzailea izango dute lagun horietan. Abesti batean, Igor Gartziak ere lagunduko du abesbatza zeharkako flautarekin.