Txosnagunerik gabe, kontzertu handirik gabe eta ekintzak egokituta ari dira ospatzen aurtengo Santa Klara, Azken Portu eta Aritzbataldeko festak. Gaur amaituko da hiru eguneko egitaraua, bertso saioarekin. 22:00etan hasiko da saioa plaza gorrian, eta honako bertsolari hauek ariko dira kantuan: Uxue Alkorta, Iker Zubeldia, Maialen Lujanbio, Sustrai Colina eta Amaia Agirre.
Bertso saioaren aurretik, DJak ariko dira plaza girotzen. 16:30ean DJ Asier Burguetek haurrentzako Txikidantz diskofesta eskainiko du, eta 19:00etan Elektropeña DJak eskainiko du emanaldia.