Lazkao Txiki bertsopaper sariak banatu ziren atzo, igandean, Ordiziako (Gipuzkoa) Barrena kultur etxean. Argi Berri elkarteak Ordiziako Udalarekin batera antolatu du aurten ere txapelketa, 30. aldiz. Hainbat bertsolarik parte hartu zuten bertsopaper lehiaketan, eta Aner Peritz zarauztarrak bigarren saria irabazi zuen helduen mailan, 18 urtetik gorako partaideen artean. Hi ondo, eta ni? bertso sortarekin irabazi zuen saria zarauztarrak. Ekaitz Goikoetxea beasaindarrak irabazi zuen helduen mailan txapela, Jokoa ez da errenta lanagatik.