-1-
Jakitun batek esan berri du
ahaztutzen zaigula sarri
bizitzan zehar gertakizunak
direla erakusgarri
-2-
Zu betidanik izanagaitik
azkar igotzean zale
Gailurrera heltze hutsa ez da
hazi zarenan seinale
-3-
Zu begiratzen jardun zaitezke
betaurreko eta guzi
Baina kontuan izan.Bi dira
begiratu ta ikusi
-4-
Belarriekin beste hainbeste
gertatzen da.Ez harritu!!
Zehazki desberdinak direnez
noski entzun ta aditu
-5-
Gertakizun baten ondorioz
beti dezagun gogora
Bi neurriko ezaugarri dira
sentitu eta deitora
-6-
Gauza batzuetara ohiturik
egotea gehienetan
Ez du ezan nahi zehazki denik
nahi izatea benetan
-7-
Bakarrik ibiltzen zarenean
eginaz zuk nahi duzuna
Hori ezingo da izendatu
inolaz bakartasuna
-8-
Koldarkeriaren eraginez
bizitzen den egoera
Une barea izanagaitik
ez da bakea.Bai zera!!
-9-
Irribartsu azaltzen direnak
badira hainbat pertsona
Horrek ez du inolaz berreisten
derrigorrez zoriona
-10-
Hutsegitea ez da sarritan
gezurretan aritzea
Benetako gezurra delako
egia ezkutatzea