LHko 5. eta 6. mailetako haurrek egin dute lehenik triatloia. Horiek 100 metro egin dituzte igeri, kilometro bat bizikletaz eta 500 metro korrika. Ondoren, LHko 3. eta 4. mailakoen txanda izan da; 50 metro igeri, 750 metro bizikletaz eta 300 metro lasterka egin dituzte horiek.
Ibilbidean zehar Zarauzko Triatloi Elkarteko boluntarioak buru-belarri ibili dira haurrei laguntzen. Nekatuta eta bustita, baina irribarrea ahoan heldu dira helmugara parte hartzaile gehienak.