COVID ziurtagiriaren inguruan jarduteko hitzordua jarri dute biharko
2022ko urt. 19a, 15:00
Aupa Gu Urola Kosta taldeak COVID ziurtagiriari buruz hitz egiteko topaketa antolatu du biharko. "Txertatuta? Txertatu gabe? Isolaturik? Zalantzan, txertoa hartu edo ez?" bezalako galderak zabaldu dituzte, eta horien inguruan hausnartu nahi dute. Jarduna Putzuzulo gaztetxean izango da 18:00etan hasita, eta herritarrak animatu nahi dituzte bertan parte hartzera.