Kepa Junkerarekin batera elkarlanean aritu ostean, Neomak taldea sortu zuten Eneritz Aulestia zarauztarrak, Irati Gutierrezek, Leire Etxezarretak, Maria Lasak, Amets Ormaetxeak, Garazi Otaegik eta Alaitz Eskuderok.
Orain, beraien lehen bideoklipa argitaratu berri dute, 'Ilargi berriak' abestiarena, hain zuzen. Taldearen hitzetan, "tradiziotik datorren kalejira baten erritmoan, soinu eta estetika apurtzailea dituen kantua da lehen single hau".