'Hiru kortse, azukre asko eta brandy gehiegi' antzezlana izango da ostiralean

Abenduaren 30ean taularatzekoa zuen Ttak teatroak eta Kamikaz kolektiboak Hiru kortse, azukre asko eta brandy gehiegi antzezlana Modelo aretoan. Baina sasoi hartan indarrean jarri zuten aforo murrizketa zela medio, atzeratu egin zuten emanaldiaren data, eta, azkenean, ostiral honetan eskainiko dute obra. Ikuskizunak ikusmin handia sortu du, eta sarrerak aspalditik agortuta daude. Saioa 20:00etan hasiko da.