Hainbat ekintza prestatu ditu Urola Kostako Itaiak datozen egunetarako, Martxoaren 8rako antolatu duten mobilizazioaren inguruan –Frontoi Txikin jarri dute hitzordua egun seinalaturako, 18:30ean–. Larunbatean bilera irekia egin zuten Putzuzulo gaztetxean, eta gaur emango diote jarraipena egitarauari. Lan eguna izango da gaur, eta 18:30ean elkartuko dira gaztetxean bertan horretarako.
Hurrengo asteburuan, Martxoaren 8rako deitu duten mobilizazioaren aurkezpena egingo dute gaztelekuan, 18:30etik aurrera, ostiralean; larunbatean, berriz, infogunea jarriko dute udaletxearen aurrean, 12:30ean.