Emakumeen Nazioarteko Egunaren harira, Ispilu Arte galeriak Emakumearena 2022 kultur ekimena antolatu du egunotarako. Gaur arratsaldean, 19:30ean hasita, Tximeletaren esnatzea poesia errezitaldia egingo dute, eta ondorengo lagunek hartuko dute parte irakurtaldian: Soraya Ronquillo, Helena Ayerbe, Candida Rivas Mendoza, Lida Castellanos Maldonado, Bouchra Darrhaissa eta Katia Reimberg Castello Branco.
Ostiralean, berriz, erakusketa kolektiboa zabalduko dute, eta bertan hainbat artistaren lanak ikusi ahal izango dira galerian: Viki Claramunt, Martxe Arana, Antonio Peña, Iñigo Ormazabal, Ruiz de Egino,Itzi Frades, Ainize Txopitea, Marian Aranburu eta Lola Sarratea. Inaugurazioa 19:30ean izango da.