Bigarren postua lortu du Nadia Erostarbe zarauztarrak Israelen jokatutako Seat Pro Netanya txapelketan. Finalean, Teresa Banvalot olinpiarraren kontra aritu zen, eta lehenengo postua lortu zuen portugaldarrak 15,40ko puntuazioarekin; Erostarbek, berriz, 12,90eko puntuazioa lortu zuen. Txapelketako emaitza honek sailkapenean zazpi postu igotzea ekar dakioke Erostarberi.
Gizonezkoen sailkapenean, Adur Amatriain finalera iristetik oso gertu geratu zen. Hamahiru hamarrenek banandu zuten garaipenetik, eta Ramzi Boukhiamek jaso zuen garaipena.