Zozkatu ditu Zarauzko Hitzak asteburuko antzezlanetarako sarrerak. Bihar, ostirala, Khea Ziater taldeak Winona & Grace antzezlana eskainiko du 20:00etan, Modelo antzokian. Igandean, berriz, Baby Esferic antzezlana eskainiko du Alboon Teatro konpainiak, Modelo antzokian. Bi saio izango dira, lehenbizikoa 10:30ean, eta bigarrengoa, 11:30ean. Zarauzko Hitzak Zarauzko Udalak emandako sarrera bikoitzak zozkatu ditu zozketan parte hartu duten irakurleen artean.
Irakurle ugarik parte hartu dute bi zozketetan, eta horien guztien artean zozketa egin ondoren, Martin Sarastik eta Arantzazu Agouesk irabazi dituzte biharko antzezlanerako sarrerak. Igandeko antzerkirako sarrerak, berriz, 10:30eko saiorako sarrerak Arantxa Arocenari eta Usoa Odriozolari egokitu zaizkie, eta 11:30eko saiorako sarrerak, aldiz, Aintzane Etxaideri eta Leire Zubizarretari egokitu zaizkie.