Azken bi urteetako etenaren ondoren, bueltan da Santa Klara, Azken Portu eta Aritzbataldeko jai batzordeak antolatutako futbito txapelketa. Maiatzaren 28an izango da festa giroko txapelketa, Sagasti plazan. Animatzen diren taldeek dagoeneko eman dezakete izena azkenportua@gmail.com helbidera mezua bidalita.
Talde bakoitzak 20 euro ordaindu beharko ditu, taldeak mistoak izango dira eta gutxienez lau partaide eta gehienez sei izango dituzte. Jokalariek hamasei urtetik gorakoak izan beharko dute. 10:00etan hasiko da lehia, eta arratsaldean festa luzatuko dute, 19:30etik aurrera DJ Espotik girotuko baitu plaza.