Gaur, larunbata, utzi dute aske Ekaitz Sirvent preso zarauztarra. Hamahiru urte egin ditu Frantziako espetxeetan preso, hala nola Tarasconen, Reauko espetxean eta, azken urteetan, Mont de Marsango espetxean, Zarauztik 160 kilometrora.
2009ko apirilaren 10ean atxilotu zuten Sirvent Parisko Montparnasse geltokian, ETAko kide izatea leporatuta. 2013ko abenduan epaitu zuten Parisen, eta 18 urteko zigorra ezarri zioten zarauztarrari, enpresariei iraultza zerga ordainarazten saiatzea egotzita.