'Los viajes de Bowa' ikuskizuna izango da bihar Villa Manuelan

Antzerkia Familian programaren barruan, La Gata Japonesa konpainiak antzerkia eta zirkua uztartzen dituen Los viajes de Bowa ikuskizuna taularatuko du bihar arratsaldean. Ohi bezala, Villa Manuelako frontoian izango da, 19:00etan, doako sarrerarekin.

Bowa nomada umezurtza da, eta egun batean botila bat aurkituko du itsasertzean. Barruko mezuak bere barruan zerbait bilatzera bultzatuko du. Bidea aberatsa izango da: botila baten kristal distiratsuan sartuta nabigatuko du ehunka mezu helaraziz.