El Carmen txirrindularitza saria irabazi du Usoa Ostolazak

(Laboral Kutxa)

Txirrindularitzako Euskaldun txapelketaren barruan, El Carmen saria jokatu zuten larunbatean Larrabasterran (Bizkaia). Emakumezkoen Open kategorian 41 txirrindulari atera ziren lehiara, eta Laboral Kutxa-Fundacion Euskadi taldearekin lehiatzen duen Usoa Ostolaza zarauztarra izan zen ibilbidea bizkorren bukatu zuena.

Hain justu, 2:30:54 denboran amaitu zituen lanak Ostolazak, eta minutu eta 6 segundo beranduago helmugaratu zen Alice Coutinho azpitxapelduna. 

Hurrengo proba ere Bizkaian izango du zarauztarrak. Zehazki, Sopelan izango da lasterketa, hilaren 20an.