Errenteriatik eta Donostiatik igaro ondoren, Orio zeharkatuta helduko dira txirrindulariak Zarautzera eta, Nafarroa kalean barrena, Getariarako bidea hartuko dute. Etapako lehen kilometroak izango dira kostaldetik egingo dituztenak eta, aurrerago gainditu beharko dituzte hainbat mendate gogor, Bilbora heldu aurretik. Esaterako, Munitibarko edota Morgako portuak.
Halakoetan gertatu ohi den moduan, Nafarroa kalea itxi egingo dute ibilgailuentzat. Oraindik ordutegi zehatza jakinarazi ez badute ere, litekeena da eguerdi aldera izatea, 13:00ak inguruan.