Udaberri Jubilatuen Elkarteak prestatu ditu 2023rako ikastaroak, eta bihar irekiko du izena emateko aurreinskripzio epea; astelehenetik ostiralera izango da, hilaren 19tik 22ra, alegia. Ikastaroak urtarriletik abendua bitartean izaten dira, eta uztailean eta abuztuan etenaldia egiten dute.
Hauek dira eskainiko dituzten ikastaroak: Tai-chi, Yoga, Fitness, Sormena, Antzerkia, Memoria, Meditazioa, Ehotzen ikastea eta Zure bizitza hobetzea. Era berean, beste jarduera batzuetan izena emateko aukera izango da: Abesbatzan, Nordik Walking taldean eta Kultura Taldean. Bestalde, informatika izen-emateak urtarrilean egingo dituztela jakitera eman dute.
Ikastaro edo ekintzaren batean jarduteko interesa dutenek Udaberriren bulegoa jo dezake; astelehen eta astearteetan, 10:00etatik 12:00etara, eta asteazken eta ostegunetan, 16: 00etatik 18: 00etara.
Txapelketak Santo Tomas egunean
Abenduaren 21ean, asteazkenean, hainbat txapelketa jokatuko dituzte. Goizean, 11:00etan hasita, Toka eta Igeklaren txanda izango da, eta arratsaldean, 16:00etatik aurrera, Mus, Tute eta Seien txapelketa. Parte hartu nahi duenak Udaberriko bulegoan eman beharko du izena astelehenean edo asteartean, 10:00etatik 12:00etara; egunean bertan ezingo da izena eman. Sari banaketaren ondoren, txistorrada izango da parte hartzaile guztientzat.
Bestalde, abenduaren 20an, 11: 0etan, hamar saskiren zozketa egingo dute Udaberriko tabernan. Nahi dutenak zozketan parte hartzera gonbidatzen dituzte.