Hilaren 15a, igandea, izango da Unai Alberdi argazkilari zarauztar gaztearen lehen bakarkako erakusketa ikusteko azken eguna. Joan den abenduaren 15an zabaldu zuten 30 argazkiz osatutako galeria Torre Luzeako aretoan; aste eskas geratzen da, beraz, hilabetea iraungo duen argazki erakusketari bisita egiteko.
Torre Luzeara oraindik gerturatu ez diren kultura zaleak azken egunak aprobetxatzen badituzte, bi bildumez osatutako erakusketa aurkituko dute: neguan ateratako argazkiek osatzen dute, bata, eta udakoek, bestea. 18:00etatik 20:00etara egongo da aretoa zabalik egunero.