Lau jardunaldik osatuko dute aurtengo pilota egokituko Gipuzkoako Txapelketa, eta lehena larunbatean jokatuko da Idiazabalgo Igarondo pilotalekuan. Goizeko 10:00etan hasiko da lehia, eta 14:00ak arte ariko dira nor baino nor.
Zarautz Kirol Elkarteak zazpi pilotarirekin parte hartuko du txapelketa honetan: Haritz Lertxundi, Xabier Villar, Iñaki Divasson, Lorea Iribar, Alvaro Valor, Asier Arruti eta Joseba Altuna. Paleta modalitatean jokatuko dute.
Idiazabalgo saioaren ondoren, beste hiru jardunaldi jokatuko dituzte txapelketaren barruan: Amasa-Villabonan urtarrilaren 28an, Zestoan otsailaren 11n eta Araman hilaren 25ean.