Ostiralean bertan abiatuko dituzte auzoko jaiak Urtetan, Sebastian Deunaren egunarekin, eta bi asteburutan izango dute zer ospatua bertako bizilagunek. Gainera, bertaratzeko autobus zerbitzua izango da: ostiral honetan, igotzeko 10:00etan eta jaisteko 13:30ean; eta datorren iganderako, igotzeko 10.00etan eta 12:00etan, eta jaisteko 14:30ean.
EGITARAUA
Urtarrilak 20, ostirala
Sebastian Deunaren Eguna
- 10:30. Meza Nagusia
- 11:00. Hamaiketakoa, auzo elkartean. Goiz osoan, Amets Etxaide eta Irati Orbegozo izango dira giroa alaitzen.
- 21:00. Bertso afaria auzo elkartean. Andoni Egaña eta Sebastian Lizaso bertsolariekin, Aratz eta Mariak jotako doinuekin alaituta.
- Jarraian, erromeria goizeko ordu txikiak arte.
Urtarrilak 21, larunbata
- 16:00. Urtetako XXIII. Mus Txapelketa Azkarra. Izen-ematea: 20 euro.
Urtarrilak 22, igandea
- 10:30. Meza Nagusia.
- 11:00. Hamaiketakoa, auzo elkartean.
- Ondoren, herri kirol festa Izeta Harri-jasotzaile Eskolako neska-mutilen eskutik.
- Goiza amaitzeko, sokatira desafioa auzoko Neska-Mutil ardoaren eta ezkonduen artean
- Goiz osoan, Aratz eta Maria trikitilariak giroa alaitzen
- 18:30. Erromeria Elustondo anai arrebekin.
Urtarrilak 28, larunbata
- 22:30. Kontzertuak auzo elkartean: GZR taldea lehendabizi, eta Fan&Go ondoren.
Urtarrilak 29, igandea
- Eguerdian, Neska-Mutil ardoko kideek omenaldi bazkaria eskainiko diete auzoko edadetuei.