Haurrak protagonista izan dira San Pelaio biharamunean. Haiei zuzendutako hainbat ekintza izan dira eta gustura aritu dira. Frontoi txikin esaterako, itsasoarekin lotutako eta egurrez eraikitako jolas toki berezia izan dute. Hala, arrauna egin dute, arrantza eta masta igo, besteak beste.
Munoan, bestalde, saio musikatua izan dute Porritx pailazoarekin eta Txapas soinujole zarauztarrarekin. Euskarazko kantuak abestu dituzte guztiek elkarrekin.