Egun handia izaten da irailaren 9a Zarautzen. Euskal Jai Eguna ospatzen dute herrian eta baserritarrez janzten dira bertako bizilagunak nahiz inguruko herrietatik festara etorritako bisitariak. Nolanahi ere, izaten da alderik jantzietan; izan ere, arropa tradizionalak erabiltzen dituzte batzuk eta erosotasuna lehenetsita jantzi moderno eta arinagoak eramaten dituzte beste batzuk.